علّقت الدكتورة رشا الجندي، مدرس الصحة النفسية في جامعة بني سويف، على تساؤل واستنكار الفنان وائل عبد العزيز، والذي قال فيه: "أقول لابني اطلع دكتور إزاي.. والفلوس بقت مع شوية لمامة وعواطليه.. والشهادات والعلم بقت بدون قيمة؟".

وقالت الدكتورة رشا الجندي، "ليك حق تتضايق وكل الناس اللي عندها إحساس ليها حق تتضايق.. بس في النهاية مهما حصل لا يصح إلا الصحيح.. العلم والشهادات المحترمة عمر قيمتهم ما هاتنتهي لا مستحيل.. ودي قوانين ربنا سبحانه وتعالى (قل هل يستوى الذين يعلمون والذين لا يعلمون). 

وتابعت في منشور لها على صفحتها الشخصية على فيسبوك، "هاييجي اليوم أكيد اللي كل ده هايتصلح، هاييجي اليوم اللي ترجع فيه الأجيال اللي جايه تبقا نفسها تتعلم ونفسها تطلع حاجة ذو قيمة حقيقية وهايستوعبوا يعني أيه تاريخ مشرف ورقي.. أنا متأكده أنه هايحصل بس الصبر.. ربنا قال (وبشر الصابرين).

 

واختتمت الدكتورة رشا الجندي، حديثها قائلة: "ياريت كلنا نساعد مع الدولة إنه يحصل، كل حد بيساعد في تحقيق نسب مشاهدة للمحتوى السيئ، كل حد بيساعد في ظهوره أكتر أو يدعمه بأي شكل من الأشكال فهو مسؤول أدام ربنا سبحانه وتعالى قبل ما يكون مسؤول أمام ضميره تجاه وطنه وانتماءه".