Take a fresh look at your lifestyle.

عبد المنعم إمام: وصلنا هذا العام لـ 100 تلميذ في الفصل الواحد بـ “المحلة”

14
قال النائب البرلماني عبد المنعم إمام، إن أهم الملفات التي تم العمل  عليها هو ملف التعليم، معلقا في منشور له عبر حسابه الرسمي بموقع فيسبوك:

عبد المنعم إمام عن كثافة الفصول

“بالنسبة لبندر مدينة المحلة فالأسف كثافة الفصول عالية جدا ودا لعدم وجود أراضي متوفرة لإنشاء مدارس جديدة، 20 سنة والكثافة عمالة تتضاعف وعدد الفصول تقريبا هو هو، لحد ما وصل السنادى بكل أسف حوالى 100 تلميذ في الفصل في بعض المدارس!.
وتابع إمام: “دى أرقام للأسف مكنش حد واخد باله منه لإن متوسط كثافة فصول مركز المحلة قليلة (تم بناء مدارس كتير في قرى مركز المحلة لتوفر الأراضى)، وطبعا كل الاحصائيات كانت بتتعمل على المحلة كلها بندر ومركز ككيان واحد”.

عبد المنعم إمام عبر فيسبوك

واستكمل النائب البرلماني: “دا اللى خلانا ندور على حلول برة الصندوق، من شهر مارس ولحد النهاردة قدمنا طلبات كتير للاستغلال الأمثل للمدارس الموجودة بالفعل، ومن ضمن الحلول دى هى استغلال المساحات اللى في المدارس التجارية والصناعية اللى بداخل البندر وتحويلها للتعليم الأساسى.
ومن ضمن المدرسة دى المدرسة الزخرفية (مدرسة الشهيد خالد دبور) اللى فيها مساحة غير مستغلة ممكن تعمل ٣ مدارس!، ولما قدمنا الطلب للأسف اترفض، بحجة غريبة جدا، وهي إن إدارة التعليم الفنى مفصولة تماما عن إدارة التعليم الأساسى !.
ووجه عبد المنعم إمام الشكر لـ اللواء يسرى عبد الله رئيس هيئة الأبنية التعليمية، معلقا: “اللى اشتغل معانا شهور على الموضوع دا لحد ما الحمد لله صدر قرار تخصيص لإنشاء 30 فصل في المدرسة الزخرفية الفنية، ودا انتصار كبير جدا، وكفيل إنه يقلل متوسط الكثافة في الفصول في بندر المحلة، الحمد لله ربنا وفقنا في ملف المدرسة الزخرفية، وإن شاء الله فيه ملفات كتير شغالين عليها لاستحداث مدارس جديدة في بندر المحلة وزيادة أعداد الفصول وتقليل الكثافات”.
اترك رد

لن يتم نشر عنوان بريدك الإلكتروني.